Lajmërohet Vjosa Osmani: U përmbys e keqja, koalicioni LDK-Vetëvendosje do të ndodh - Bota Sot
Lajmërohet Vjosa Osmani: U përmbys e keqja, koalicioni LDK-Vetëvendosje do të ndodh

Politika

Lajmërohet Vjosa Osmani: U përmbys e keqja, koalicioni LDK-Vetëvendosje do të ndodh

Nga: V.R Më: 9 tetor 2019 Në ora: 12:45
Vjosa Osmani

Kandidtja për kryeministre të Kosovës, Vjosa Osmani, është lajmëruar më në fund mbas zgjedhjeve të 6 tetorit, shkruan “Bota sot”.

Ajo, nëpërmjet një deklarate publike, shpreh mirënjohjen për votuesit potencial të LDK-së.

Osmani, tha populli u përcaktua për qeverinë e re, duke i dhënë hapësirë opozitës.

Sipas saj, koalicioni LDK-VV duhet të ketë prioritet interesin e qytetarëve të Kosovës.

“Më në fund, qytetarët, jo vetëm që votuan, por, ajo votë ishte thirrje për ndryshim e ndëshkim ndaj qeverisjes së keqe. Qytetarët, poashtu, përcaktuan qeverinë e re, e cila duhet të përbëhet nga opozita e deridjeshme. Për mua nuk ka asnjë alternativë tjetër. Koalicioni LDK-VV ka shumë sfida para vetes, por duhet ta ketë vetëm një interes: atë të qytetarëve të Kosovës”, tha Vjosa.

Postimi plotë:

 

Të dashur qytetarë të vendit tim,

 

Këtë vjeshtë janë mbushur plot 20 vjet që jam bërë anëtare e LDK-së dhe gati po aq që kam shërbyer në institucionet e Kosovës. Ka qenë rrugë jo e lehtë, plot pengesa e sfida, sikur për shumë të rinj e të reja në vendin tonë. Deri tani, ishte një rrugëtim i jashtëzakonshëm, përgjatë të cilit kam takuar mijëra gra e burra, vajza e djem, qytetarë të mirë të këtij vendi që më kanë mbushur plot shpresë për të ardhmen. I falënderoj miliona herë, nga thellësia e zemrës, të gjithë që na përkrahën e besuan në ne, si dhe të gjithë aktivistët e veprimtarët që kurrë nuk reshtën së punuari me vetëmohim. Arritëm që të gjithë së bashku, por për një kohë tejet të shkurtë prej vetëm një muaji, ta ringrisim LDK-në në një rezultat që nuk e kishte nga viti 2004. Por, na mbetet edhe shumë punë për të bërë, edhe shumë sfida për të kaluar, e ato mund t’i kalojmë vetëm së bashku.

 

Më në fund, qytetarët, jo vetëm që votuan, por, ajo votë ishte thirrje për ndryshim e ndëshkim ndaj qeverisjes së keqe. Qytetarët, poashtu, përcaktuan qeverinë e re, e cila duhet të përbëhet nga opozita e deridjeshme. Për mua nuk ka asnjë alternativë tjetër. Koalicioni LDK-VV ka shumë sfida para vetes, por duhet ta ketë vetëm një interes: atë të qytetarëve të Kosovës.

 

Unë do të punoj dhe do t’i shërbej vendit tim, pavarësisht se ku jam.

 

Ashtu siç e kam thënë gjithnjë: në secilën betejë, do të jemi së bashku, deri në fund!

 

E juaja,

Vjosa

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...