Analisti politik, Faik Krasniqi, në një prononcim për “Bota sot” ka komentuar ecurinë e fushatës parazgjedhore.
Ai në një prononcim për “Bota sot” është shprehur se fushata ka qenë e zhurmshme dhe se ka pasur akuza dhe kundër akuza ndërmjet partive politike.
“Fushata parazgjedhore ka qenë e zhurmshme. Ka pasur akuza dhe kundër akuza. Edhe fjale të pahijshme. Por nga shumica e partive nuk kemi parë asgjë konkrete, me përjashtim të Vetëvendosjes që ka pasur një projekt me konkret dhe më të detajuar, sidomos në fushën e ekonomisë, shëndetësisë dhe arsimit. Krijimi i fondit sovran dhe bankës zhvillimore, është gjëja që me ka pëlqyer më së shumti nga ana e Vetëvendosjes, sepse kjo do të bënte që Kosova brenda 2-3 viteve të zhvillohej ekonomikisht.”, ka potencuar ai për “Bota sot”.
Gjithashtu, Krasniqi është shprehur se qytetarët kanë humbur shpresën dhe se vendi ka nevojë për ndryshim.