Shengeni Ballkanik, Krasniqi: Rama shpesh nuk e konsideron shtet Kosovën

Politika

Shengeni Ballkanik, Krasniqi: Rama shpesh nuk e konsideron shtet Kosovën

Nga: G.B Më: 12 tetor 2019 Në ora: 14:35
Rama, Vuçiq dhe Zaev

Kryeministrat Rama, Vuçiq dhe Zaev kanë nënshkruar dje një deklaratën e përbashkët të 4 Lirive Themelore të Bashkimit Evropian në rajonin e Ballkanit Perëndimor, e cila bazohet në zbatimin e lëvizjes së lirë të mallrave, kapitalit, njerëzve dhe shërbimeve.

Me këtë, ata nisën procesin e “minishengenit ballkanik”, gjë që ngjalli reagime në Kosovë e Shqipëri.

Lidhur me këtë, njohësi i çështjeve politike, Faik Krasniqi, ka thënë për gazetën “Bota sot”, se Edi Rama ka sjellje të çuditshme për Kosovën dhe shpesh nuk e konsideron si shtet shqiptar.

Image
Faik Krasniqi

“Edi Rama ka sjellje të çuditshme në raport me Kosovën. Shpesh Kosovën nuk e konsideron si shtet shqiptar. Bën veprime që nuk janë në interesin mbarë shqiptar. Të gjitha shtetet e Ballkanit janë për anëtarësim në Bashkimin Evropian”, është shprehur ai.

Krasniqi thotë se veprimi për formimin e Shengenit Ballkanik është një nismë neojogusllave, derisa shton se nuk e kupton Tiranën çfarë nostalgjike ka për ish Jogusllavinë.

“Nuk e kuptoj pse të krijohet një minishengen Ballkanik. Ky veprim nuk është gjë tjetër veçse nismë neojugosllave. I kuptoj disa shtete të ish federatës jugosllave që kanë nostalgji për ish Jugosllavinë, por nuk e kuptoj Tiranën zyrtare se çfarë "nostalgjie" kanë kur s'kanë pjesë e këtij shteti”, ka deklaruar Faik Krasniqi për “Bota sot”.

commentFirst article
Sot mund të lexoni Shfletoni kopertinat