A po i bashkohet djali i Adem Jasharit kësaj partie politike? - Bota Sot
A po i bashkohet djali i Adem Jasharit kësaj partie politike?

Politika

A po i bashkohet djali i Adem Jasharit kësaj partie politike?

Më: 6 nëntor 2019 Në ora: 10:26
Lulzim Jashari

Lulzim Jashari, djali i komandatit legjendar të UÇK-së, Adem Jashari është parë në një takim i shoqëruar me përfaqësues të Lëvizjes Vetëvendosje.

Sipas fotos së dërguar nga një lexuar, i biri i komandatit Adem Jashari  ka qenë pjesëmarrës i një takimi të përbshkët me kandidatët për deputetë të këtij subjekti, Liburn Aliu, Gani Krasniqi dhe Enver Dugolli.

Ata janë  fotografuar në familjen e heroit, Afrim Zhitija në fshatin Llugë të Podujevës.

Nuk dihet ende nëse ky takim është paralajmërim për zyrtarizimin e kalimit të Lulzim Jasharit në këtë subjekt politik, por ajo që duket e qartë është se ai po tregon afrimitet më përfaqësuesit e Vetëvëndosjes.

Djali i Komandantit Legjendar Ademi Jashari, Lulzim Jashari më herët ka qenë shumë kritik ndaj përfaqësuesve të institucioneve të vendit, sidomos sa i përket dialogut dhe marrëveshjeve me Serbinë duke thënë se “si mund të ketë pajtim me ata që mundohen ta zhdukin Kosovën”

Liburn Aliu i cili duket ta ketë ftuar Lulzim Jasharin është nip i Afrim Zhitisë.

Në shënimin e 30 vjetorit të rënies së Afrimit, zyrtarë të lartë të kësaj partie kishin thënë se me fitoren e VV-së u realizua endërra e dëshmorit Afrim Zhitija.

Edhe vëllai i Afrimit, Naim Zhitia më herët ishte në listat zgjedhore të këtij subjekti politik. 

Image
Foto nga takimi
Shfaq komentet
comments powered by Disqus
Sot mund të lexoni Shfletoni kopertinat