Deputetja e zgjedhur nga radhët e Lëvizjes Vetëvendosje, Mimoza Kusari-Lila, në një prononcim për gazetën “Bota sot”, ka deklaruar se vendi duhet të shkojë në zgjedhje, në rast se nuk arrihet formimi i Qeverisë Kurti bashkë me Lidhjen Demokratike të Kosovës.
“Nëse hipotetikisht nuk formohet Qeveria Kurti, vendi duhet të shkojë në zgjedhje. Çfarëdo formati tjetër i marrëveshjes apo pazareve politike është kundër vullnetit të qytetarëve të Republikës së Kosovës”, ka deklaruar Kusari Lila për gazetën “Bota sot”.
Ndryshe, ish deputeti i Kuvendit të Kosovës, Milaim Zeka, në një status në profilin e tij në facebook, ka deklaruar se po vjen era prapë zgjedhje
“Te gjitha karthat e vendosura nga nëntoka e mbitoka kosovare ndaj atyre që i fituan zgjedhjet, si duket do të na dërgojnë përsëri në zgjedhje të reja”, ka shkruar Zeka ndër të tjera.