Gjykata Kushtetuese e Kosovës dje ka reaguar ndaj diskursit publik kërcënues që po zhvillohet ditëve të fundit.
Ajo ka reaguar për ata të cilët po mundohen të ndikojnë apo paragjykojnë vendimmarrjen e Gjykatës Kushtetuese për çështjen e dekretit të Presidentit për caktimin e mandatarit për krijimin e Qeverisë së re.
Lidhur me këtë, njohësi i çështjeve juridike dhe politike në vend, Blerim Burjani, ka thënë se, në këto raste duhet të reagoj Prokuroria e Shtetit.
“Në situata të tilla të presionit duhet të reagoj Prokuroria e Shtetit, për secilin presion ose përpjekje shantazhi apo formë tjetër të kërcënimit”, thotë Burjani.
Ai shprehet se, për presionin që po i bëhet Gjykatës duhet urgjentisht reagimi i Prokurorisë.
“Prokuroria duhet urgjentisht të reagoj ndaj të gjithë atyre individëve të partisë që mund të ushtrojnë presion ose formë tjetër të paligjshme duke tentuar të ndikojnë në punën e kësaj gjykate”, përfundon Burjani.