Lëvizja Vetëvendosje ka dërguar në Kuvendin e Kosovës kërkesën për interpelancë pas vendimit për heqjen e masës së reciprocitetit nga Qeveria Hoti.
Qëllimi i kësaj interpelance është rivendosja e reciprocitetit ndaj Serbisë.
Lidhur më këtë çështje, gazetat “Bota sot”, ka kontaktuar me deputetin e Vetëvendosjes në Kuvendin e Kosovës, Dimal Basha.
Ai për “Bota sot” ka shpjeguar arsyen pse e kanë bërë këtë kërkesë në Kuvendin e Kosovës.
Gjithashtu, deputeti Basha ka thënë se Qeveria Hoti nënshtrimin ndaj Serbisë e vlerëson si akt guximi, e jo turpërimi.
“Arsyeja pse kemi kërkuar është sepse heqja e reciprocitetit është heqje dorë nga dinjiteti shtetëror, përkundrazi nga nënçmimi që po i bëhet nga qeveria Hoti e kontrabanduar nga Hashim Thaçi, e cila nënshtrimin ndaj Serbisë e vlerëson si akt guximi, e jo turpërimi”, ka thënë Basha për “Bota sot”.
