Pas Pavarësisë së Kosovës suksesi më i madh politik e diplomatik i elitës politike të Kosovës do jetë dialogu në mes dy shteteve Kosovë-Serbi që do mbahet më 27 qershor në Uashington nën udhëheqjen e përfaqësuesit amerikan Grenell.
Njohësi i çështjeve politike, profesor Sulejman Mehazi ka thënë për gazetën “Bota sot” se ajo që na gëzon më së shumti është se ky dialog për njohjen reciproke e të dy shteteve ballkanike mbahet në shtetin më meritor për popullin e Kosovës, në SHBA, iniciatoria e parë, themeluesja e Republikës së Kosovës, shpëtimtarja e qytetareve të Kosovës ndaj agresioneve serbe.
Ai ka thënë se nuk duhet frikësuar, por duhet gëzuar këtij dialogu në Uashington, për shkak se do jetë në të mirë të Kosovës e kurrsesi në dëm të saj.
“E them këtë pasi politika gjeostrategjike ballkanike e amerikaneve është në dobi të qytetareve të Kosovës e jo të asaj serbe-ruse. Kosova në Ballkan është fëmija i SHBA-së që ngadalë është duke e rritur në një shtet të vogël amerikan në Evropë. Tanimë elitës politike të Kosovës si ka mbetur gjë tjetër vetëm te bashkonte forcat e të nisen në Uashington me strategjinë e përbashkët për njohjen e Kosovës nga Serbia’, ka thënë njohësi i çështjeve politike profesor Sulejman Mehazi.