Mosvotimi i marrëveshjeve ndërkombëtare nga Kuvendi i Kosovës, për Pakon Emergjente është turp për të gjithë deputet, të cilët nuk votuan një marrëveshje të tillë, nga të cilat qytetarët po presin në agoni paratë e shpëtimit.
Kështu ka vlerësuar analisti politik Faton Mehmeti i cili në një prononcim për gazetën “ Bota sot” ka thënë se është e pa tolerueshme që në këtë situatë po bëhet politikë me varfërinë e qytetarëve.
“E kuptoj se Pakoja Emergjente tashmë e ka humbur kuptimin, pasi askujt nuk i është gjendur në kohë të vështira. Tanimë po hyjmë në muajin e 4 prej pandemisë dhe qytetarët akoma nuk kanë marr ndihmën e parë, duke i përballuar vështirësitë nga më të ndryshmet. E kuptoj se kjo Pako që sot është dashur të miratohet, ka shumë mangësi, mirëpo në këto momente interesi qytetari është më parësori. Mosvotimi i pakos është turp, dhe nëse nuk miratohet shumë shpejt, qeveria duhet të bie, ndryshe nuk ka kuptim të vazhdohet kështu”, ka thënë analisti politik Faton Mehmeti.
