Deri mbrëmë kur u përplas me kryetaren e Kuvendit të Kosovës, Vjosa Osmanin emri i deputetit të Kuvendit të Kosovës nga radhët e Lidhjes Demokratike të Kosovës, Xhavit Ukaj nuk ishte fort i dëgjuar.
Ai në seancën e mbrëmshme ku po diskutohej për rishikimin e buxhetit u përplas me Osmanin, shkruan “Bota sot”
Kjo e fundit, shprehtë se është kërcënuar nga Ukaj dhe për këtë arsye e ka hapur rastin në Polici.
Ndërkaq, Osmani ka theksuar se nuk e lejojnë askënd që të pengojë kryerjen e detyrës zyrtare në përputhje me rregulloren e Kuvendit.
Por, kush është Xhavit Ukaj. Ai përveç këtij mandati ka qenë edhe më herët deputet i Kuvendit.
Ukaj është anëtar i Këshillit të Përgjithshëm të Lidhjes Demokratike të Kosovës (LDK).
Gjithashtu, ai është edhe anëtar i Kryesisë së LDK-së në Prizren, shkruan “Bota sot”.
Po ashtu, është edhe kryetar i Nëndegës së LDK-së në Prizren.
Ai ka qenë asamblist në Kuvendin Komunal të Prizrenit, shkruan “Bota sot”.
Ndryshe, një rast tjetër për të cilën u patë përfol në opinionin publik për të është rasti kur Ukajt i kishin vjedhur 100 mijë euro në shtëpinë e tij.
