“Vjosa Osmani është investim politik i LDK-së”

Politika

“Vjosa Osmani është investim politik i LDK-së”

Nga: A.M. Më: 14 korrik 2020 Në ora: 22:45
Vjosa Osmani

Njohësi i çështjeve politike, Rexhep Shahu, ka dënuar sjelljet e vrazhda ndaj kryetares së Kuvendit.

“Nuk janë të pëlqyeshme, përkundrazi janë të dënueshme sjelljet e vrazhda ndaj kryetares grua të kuvendit të Kosovës. Edhe pse ajo imponohet të sillet ndonjëherë vrazhdë në mjedis mashkullor, të ktheje përgjigje të vrazhda nga rrethanat”, ka theksuar ai për “Bota sot”.

Shahu ka shtuar se Osmani nuk i bindet vendimit të shumicës, vendimit të partisë dhe për këtë ajo shkarkohet e ndëshkohet politikisht

“Vjosa Osmani është investim politik i LDK, është krijesë politike e LDK dhe kjo parti duhet ta mbrojë Vjosën. Ajo nuk është aty ku është në sajë të aktivitetit të saj si person i vetëm, ajo është aty ku është e suportusar dhe e graduar nga LDK dhe ndaj kjo parti duhet ta mbrojë investimin e vet dhe jo ta gjuajë e fyejë Vjosën. Vjosa nuk i bindet vendimit të shumicës, vendimit të partisë dhe për këtë ajo shkarkohet e ndëshkohet politikisht, por nuk duhet lënduar as kërcënuar nga asnjë deputet, nga asnjë njeri sepse tregojmë qytetari të ulët e jo Civilizim”, ka thënë Shahu për “Bota sot”.

commentFirst article
Sot mund të lexoni Shfletoni kopertinat