Është deputeti më i vjetër i Kuvendit, por a është më i pasuri nga VV-ja, vetëm shtëpia me bibliotekë ka vlerën e 480 mijë eurove
Tashmë është bërë publike pasuria e deputetëve të Kuvendit të Kosovës. Kjo pasi këta të fundit kanë deklaruar pasurin e tyre në Agjencinë Kundër Korrupsionit.
Gazeta “Bota sot” ditëve të fundit ka publikuar pasurinë e zyrtarëve të lartë shtetëror, si dhe të deputetëve të Kuvendit të Kosovës.
Ndërkaq, sonte do të publikohet pasuria e një deputetit tjetër.
Pasurin e ka deklaruar edhe Jahja Kokaj i cili është deputeti i Lëvizjes Vetëvendosje. Po ashtu, Kokaj është edhe deputeti më i vjetër i Kuvendit të Kosovës.
Ai ka deklaruar si pasuri të paluajtshme dy banesa, dy shtëpi, njërën me bibliotekë, si dhe një dyqan.
Vetëm shtëpia me bibliotekë e ka vlerën e 480 mijë eurove.
Po ashtu, ai ka deklaruar se posedon një veturë personale me vlerë prej 12 mijë eurove të blerë në vitin 2017.
Gjithashtu, ai ka deklaruar në AKK edhe parat të gatshme të cilat i ka në institucionet financiare. Ai ka në tri banka rreth 87 mijë euro, nga të cilat 43 mijë i ka se bashku me vëllain e tij. Ndërkaq, me bashkëshorten i ka 30 mijë. Kurse vetëm i ka 14 mijë euro.
Gjithashtu, Kokaj ka deklaruar të ardhurat e tij, i cili merr dy rroga në muaj, njërën nga Kuvendi i Kosovës, kurse tjetrën nga Universiteti i Kuvajtit.