Është mandati i dytë si deputet i Kuvendit të Kosovës. Deputeti nga Lëvizja Vetëvendosje, Valon Ramadani del të jetë një ndër deputetët më të pasur të partisë së tij.
Ai ka deklaruar pasuri në vlerë prej 3.3 milionë euro.
Këtë e ka bërë në Agjencinë Kundër Korrupsionit.
Deputeti i VV-së, ka deklaruar një shtëpi në vlerë prej 35 mijë eurove e blerë në vitin 2015.
Po ashtu, Ramadani posedon disa hektarë toke, ku vetëm njëra nga to ka vlerën e 2.300.000.00 euro, e cila është në pronësi të prindit të tij.
Po ashtu, ai ka deklaruar dy vetura, njëra kap vlerën e 5.500 eurove, ndërsa vetura e bashkëshortes së tij e blerë në vitin 2019 ka vlerën e 15 mijë eurove.
Po ashtu, bashkëshortja e tij ka stoli ari në vlerë prej 4 mijë euro.
Gjithashtu, Ramadani ka deklaruar edhe paratë që i ka të kursyera në institucion financiar, si dhe të hyrat vjetore.