Ish deputeti i Partisë Demokratike të Kosovës, tash anëtar i kryesisë së PDK-së, Xhavit Haliti ka folur së fundi për vrasjen e kolonel, Tahir Zemajt.
Sipas Halitit, përveç hetuesisë së Kosovës, edhe familja e kolonelit e di se kush e ka vrarë Tahir Zemajn.
“Hetuesia kosovare e di se kush e ka vrarë Tahir Zemajn. edhe familja e kolonelit e di se kush është vrasësi i Zemajt”, ka thënë Haliti në një intervistë të tij.
Por, Xhavit Haliti i ka reaguar menjëherë Naim Mftari, ish agjent i SHIK-ut dhe ish ushtar i UÇK-së.
Në një prononcim për “Bota sot”, Miftari ka treguar emrat e personave që u vranë për shkak të vrasjes së Tahir Zemajt.
“Një gjë po e them haptas e para Kosova e Xhavitit, Hashimit, Kadris, Ramushit, Ises... nuk ka as gjykatë as hetues, e as prokuror që e mbron ligjin dhe shtetin. Pikërisht për këtë vrasje janë vra Isuf Haklaj dhe Sabahate Tolaj”, ka thënë ish agjenti i SHIK-ut, Naim Miftari.
Miftari ia ka kujtuar Xhavit Halitit edhe vrasjen e dhëndrit të tij, Xheladin Musës.
“Kurse sa i përket familjes Tahir Zemaj nuk ka familje as familjar që e njekun këtë punë deri në fund se moti ish kry aktgjykimi, moti ishte kryer edhe gjykimi i dhëndrit të vrarë të vet Xhavit Halitit, i ndjeri Xheladin Musa nga Strellci”, shton Miftari për gazetën “Bota sot”
Për fund, ish agjenti i SHIK-ut thotë se urdhërdhënësit e vrasjeve janë në institucionet shtetërore.
“Dhe vrasësit që shumica i kanë vra pastaj por urdhëruesit e tyre i kemi ne qeveri i kemi në pushtet i kem në presidencë, i kemi në parlament, i kem në politikë. Pothuajse 99% të tyre janë në këto institucione. Nuk është rastësi as puna e liberalizimit të vizave kur pushtetin e kemi të kriminalizuar nga themeli deri në kulm. Kosova nuk ka zyrtar të drejtësisë të guximshëm si Gjovani Falkone që e kishte Sicilia”, përfundon Naim Miftari, ish agjent i SHIK-ut, i cili së fundi është intervistuar edhe nga Gjykata Speciale.