Duke u cilësuar nga opozita si një marrëveshje jo fituese për Kosovën, marrëveshja e nënshkruar në Uashington me 4 shtator, deputetja e LDK-së, Vlora Limani Hajnuni, ka thënë për “Bota sot” se ajo ҫfarë është prezantuar nga kryeministri Hoti në Kuvend, është e njëjta marrëveshje e nënshkruar në Uashington.
“Unë nuk besoj në situata imagjinare, as nuk jetoj në paranojë. Kështu që asnjë arsye nuk e kam me mendu që në Uashington ka një marrëveshje të dytë të fshehur dhe të dëmshme për Kosovën. Ai dokument që është prezantuar para juve dhe para Kuvendit është dokument që është nënshkruar, ashtu siç pyetet ju, realisht në Uashington”, vlerëson deputetja e LDK-së.
