Gjatë ditës së sotme pritet të jetë takimi mes të dërguarit special i presidentit Donald Trump për dialogun Kosovë-Serbi, Richard Grenelll dhe kryeministrit të vendit, Avduallah Hoti.
Vizita bëhet me qëllim të fillimit të zbatimit të marrëveshjes për normalizimin ekonomik mes Kosovës dhe Serbisë, të arritur më 4 shtator në Uashington.
Në lidhje me këtë vizitë, njohësi i çështjeve politike Muhamet Kelmendi, në një prononcim për “Bota sot”, u shpreh që kjo vizitë do të realizohet për të arritur qëllimin e pikave të marrëveshjes së nënshkruar me Serbinë.
Duke vazhduar Kelmendi thotë që Kosova duhet të jetë ajo e cila duhet të kërkoj që të hynë në bisedime tema të cilat janë në favor të saj e jo siç ka qenë shembulli i liqenit të Ujmanit.
“Pse z. Grenell në Kosovë? Pas nënshkrimit të Marrëveshjes në Uashington me shtetin serb, mbetët që pikat e marrëveshjes gradualisht të realizohen në jetë këtej është vizita aktuale e z. Grenell në Kosovë. Nga marrëveshja shihet se Kosova dhe shteti kriminal serb nuk kanë kapacitete për të realizuar marrëveshjen. Nuk kanë gjithashtu as mjete. Liqeni i Ujmanit ka kaluar në shqyrtim të fizibiliterit të administratës Amerikane. Kjo do të shqyrtohet sikundër edhe rrugët e planifikuara, sikurse gjoja përkujdesja e objektëve kishtare etj. Por, këtu priten edhe përgatitjet për të vazhduar me takime të tjera me shtetin serb nën administratën e SHBA-së. Nuk mund të mbetet çështja këtu ku është. Ajo do të vazhdon dhe së këndejmi është edhe kjo vizitë. Se si do të shkon e tërë çështja varet nga parapërgatitja dhe dakordimet e palëve. Dhe, këtu kërkohet syqeltësi. Kosova duhet të insistojë në futjen në dialogë të temave jetike për shtetin tonë sovran. Nuk duhet lejuar që me të jetë Kosova temë e diskutimit”, u shpreh Kelmendi.
Më tej, Kelmendi thotë që Serbia dëshiron të jetë temë diskutimi futja e asociacionit komunale serbe në Kosovë mirëpo që Kosova nuk duhet ta pranojë këtë, përkundrazi duhet edhe të kërkoj llogari për krimet e krijuara në Kosovë.
Gjithashtu kërkohet njohje reciproke sepse është baza për ta vazhduar dialogun.
“Natyrisht se Serbie është për futjen e Asociacionit komunale serbe në Kosovë. Këtu do të kapet z.Grenell dhe do të kërkoi përgatitjen. Dhe, këtë nuk duhet pranuar Kosova. Çështja është për Kosovën dëmet e luftës,pra, reparacioni nga lufta gjenocidiale. Temë tjetër është përgjegjësia penale për vrasjet, masakrat, djegiet dhe përdhunimet e bëra nga Format kriminale serbe. Po, sidomos nuk duhet harruar as çështje e të vdekurve shqiptar etj. Tash e 20 vjet të varrosur masovikisht në Serbi. Dhe, këtu domosdo duhet futur reciprocitetin në çështjen e të drejtave të minoriteteve, se atij serb në Kosovë, ashtu edhe shqiptarët në Luginën e Preshevës. Pra, Qeveria e Kosovës ka mjaftë tema dhe ato duhet kërkuar të futen në dialogë dhe Serbisë të marri përgjegjësinë. Asgjë nuk duhet pranuar jashtë këtyre çështjeve madhore. Kurdoherë nuk duhet harruar bazën e dialogut, njohën reciproke të shteteve të pavarura. Serbia ka obligim këtë për të vazhduar me dialog. Këtej duhet vepruar Kosova”, përfundoi Kelmendi për “Bota sot”.