Ishte 11 shtatori, kur gazeta “Bota sot” kishte raportuar se Gjykata Speciale së shpejti do të fillojë me aksionet e para.
E tëra kjo ka ndodhur pas publikimit të dokumenteve që persona të panjohur po i dërgojnë në zyrat e OVL-UÇK-së.
Këto dokumente po pretendohet se janë të Gjykatës Speciale, ku është cilësuar si tentim frikësimi nga dëshmitrëve.
Burimi i gazetës “Bota sot” ka thënë se edhe gjatë ditëve të ardhshme Gjykata Speciale do të vazhdon aksionet e saj për arrestimin e personave të tjerë të dyshuar.
Disa ditë më parë, një person i panjohur thuhet se ka dërguar katër mijë dosje të Gjykatës Speciale në zyrat e OVL-UÇK-së.
Këto dosje, i kishte dërguar një njeri me maskë dhe kapelë, e që deri tash mbetet akoma mister se kush ishte ai.
Gjithashtu mister mbetet edhe për dosjet se ku i mori ato.
Pas kësaj, në zyrat e OVL-UÇK kanë vazhduar të dërgohen edhe dosje të tjera konfidenciale.
Megjithatë ndodhi një skandal me publikimin e këtyre, pasi që, me anë të publikimit të dosjeve, u cilësua se po shantazhohen dhe kërcënohen dëshmitarët e Gjykatës Speciale.
Kjo është tentativa e radhës nga ana e të akuzuarëve potencial, që po tentojnë të dëmtojnë punën e kësaj Gjykate, e në veçanti po tentojnë të frikësojnë ata që po kërkojnë drejtësi për 20 vjet, si dhe dëshmitarët të cilët në çështje penale konsiderohen si prova kyçqe për ndriçimin e një rasti, thënë më ndryshe kjo veç e forëcon dyshimin që kryesit e këtyre veprave të njohura si vrasjet e pasluftës veç janë në dijeni që ndriçimi i këtyre rasteve është afër, ngase po të ishin të pafajshëm pse do të merrnin veprime të tilla!?
Pra, skena politike në Kosovë ka filluar të tronditet me arrestimet e Gjykatës Speciale, por jo vetëm.
Edhe ushtarët e UÇK-së, pas arrestimit të parë, kanë filluar të jetojnë nën ankth, se kush mund të jetë i arrestuari i radhës.
Ajo që dihet është se, Gjykata Speciale do të vazhdoj me arrestime, gjykime e dënime.
Shpresojmë të gjykohen drejtë, të pafajshmin të lirohen e përgjegjësit e mundshëm për vrasje e vepra të tjera kriminale të marrin dënimin e merituar!