Debati nësë Lëvizja Vetëvendosje do të mund të arrijë të i fitoj 50% të votave në zgjedhjet e ardhshme po vazhdon ende.
Kreu i Vetëvendosje, Albin Kurti po deklarohet në media se ai do të arrij të i grumbulloj 50% të votave në zgjedhjet e ardhshme që priten të mbahen në vend.
Këtë shifër të votave, Kurti po synon ta marrë në koalicion me Vjosa Osmanin, e cila pak ditë më parë u largua nga LDK-ja.
Kësisoj me këtë̈ shifër këta të fundit, do të mund të udhëheqin vendin pa pasur nevojë për votat e partive të tjera.
Njohësit politik në vend këtë deklaratë të Kurtit, e kanë parë si tendecioze pasi është shumë e vështirë ose e pamundur të arrihet duke u bazuar në numrin e madh të partive.
Leon Duhanaj, analist politikë në një̈ prononcim për “Bota sot” u shpreh se kjo nuk është gjë tjetër pos propagandës promovuese të Kurtit.
Madje, Duhanaj metodat politike të kreut të Vetëvendosjes i krahasoi edhe me metodat e politikes serbe.
“Në fakt Kurti praktikon metodat e politikes serbe, e cila bazohet mbi krijimin e opinioneve mbi gënjeshtra. Citat "Rrej sa më shumë, në mënyrë që kjo rrenë të besohet si e vërtetë"”, u shpreh Duhanaj.
Ai bile tha se numrin e votave në zgjedhjet e tetorit, VV i ka fituar përmes krijimit të opinioneve të rrejshme.
“Kurti bashkë me subjektin e tij, njërën nga metodat për ta rritur numrin e votuesve e kanë përdorur krijimin e opinionit të rrejshëm që VV do të fitojë zgjedhje, përkatësisht mbi 50%. Kjo metodë doli të jetë e suksesshme në zgjedhjet e 6 tetorit të vitit të kaluar”, deklaroi Duhanaj.
Për fund, ai tha se Kurti e di se duhet t’i proklamoj majat edhe të pamundshmen që të ndikoj të dal parti fituese.
“Në fakt, edhe Kurti e di që nuk arrinë dot t'i fitojë mbi 50%, por kjo mënyrë e propagandës është treguar efikase në krijimin e pritshmërisë dhe ndikimit të opinionit për fituesit eventual të zgjedhjeve. Ai e di që duhet t'i proklamoj majat edhe të pamundshmën, në mënyrë që të ndikojë që sadopak të dalë parti fituese apo aty afër”, nënvizoi Duhanaj.