Nuk është mëkat që Mustafa heq vijat e kuqe ndaj PDK-së, analisti tregon pse po e bën këtë LDK

Politika

Nuk është mëkat që Mustafa heq vijat e kuqe ndaj PDK-së, analisti tregon pse po e bën këtë LDK

Nga: G.B Më: 28 shtator 2020 Në ora: 23:45
Isa Mustafa dhe Kadri Veseli

Kryetari i LDK-së, Isa Mustafa, ka deklaruar se partia e tij ka hequr vijat e kuqe ndaj PDK-së.

Lidhur me këtë, analisti politik, Rexhep Shahu, ka thënë për gazetën "Bota sot" se Mustafa ka qenë i rrëzuari nga PDK, që ia mori votat për president dhe më pas e rrëzoi.

"Kreu i LDK ka deklaruar se LDK heq vijat e kuqe ndaluese ndaj bashkëpunimit me PDK-në. Vet Isa Mustafa ka qenë i ndëshkuari apo i rrëzuari i madh prej PDK-së, ose ai që ka ngrënë "thikën pas shpine" prej PDK e cila sapo ia mori votat për presidentin e rrëzoi Isa Mustafën. Pabesia politike e PDK-së nuk do të thotë që politika qëndron statike në ato fronte lufte të qëndrueshme dhe nuk bëhet dinamike, nuk bëhet politike. Pra si jeta dhe politika ecën, zhvillohet, sot mirë e nesër keq ose sot keq e nesër mirë. Nuk mendohet se pozicionet apo aleancat politike janë të dhëna njëherë e përgjithmonë, ato janë të paqëndrueshme dhe janë stinore, sipas mandateve politike që kanë partitë", është shprehur ai.

Image
Rexhep Shahu

Sipas Shahut, PDK është parti e madhe dhe nuk do të thotë që gjithë anëtarësia e saj janë për tu ndëshkuar, gjykuar apo dënuar nga Gjykata Speciale, duke shtuar se LDK bashkëpunoi mirë me të derisa PDK i bëri tradhti .

"PDK është parti e madhe në Kosovë, është realitet dhe PDK nuk do të thotë që gjithë anëtarësia e saj janë për tu ndëshkuar, gjykuar apo dënuar nga Gjykata Speciale. Njerëzit që janë në PDK njihen si kontributorë në lëvizjen për liri e çlirim të Kosovës por jo pronarë të lirisë së Kosovës. LDK ka bashkëpunuar mirë me PDK derisa PDK bëri tregti e pazar e tradhti ndaj LDK", ka vlerësuar Shahu.

Ai shton se LDK është parti që beson, bashkëpunoi edhe me VV-në por u tërhoq dhe të gjithë ata që ia ngulin thikën pas shpine, e paguajnë.

"Por LDK është parti që beson, ajo bashkëpunoi edhe me VV por dhe u tërhoq. Pra LDK bën politikë, bën marrëveshje politike dhe ata që ia fusin "thikën pas shpine" LDK e paguajnë në një mënyrë a një tjetër, pasi në thelb LDK është partia e besimit dhe sigurisë për qytetarin e Kosovës dhe këtë hipotekë nuk ia mori dot askush LDK në asnjë kohë", ka shtuar Rexhep Shahu.

Sipas tij, nuk është mëkat që Mustafa i heq vijat e kuqe nga PDK e bashkëpunon me të e kjo nuk do të thotë që LDK ka frikë zgjedhjet, por këtë e bën për stabilitet pasi nuk bëhen zgjedhjet stinë për stinë.

"Ndaj nuk është mëkat sot nëse Isa Mustafa i goditur nga PDK, të bëjë politikë sërish e të heqë vijat e kuqe e të bashkëpunojë me PDK. Ka nevojë vendi për qëndrueshmëri. Kjo nuk do të thotë se LDK ka frikë zgjedhjet, unë nuk besoj se ka frikë zgjedhjet pasi ajo hisen e vet e merr në çdo kohë, por nuk është stabilitet për vendin të bëhen zgjedhje stinë për stinë", ka deklaruar Shahu për "Bota sot".

Shfaq komentet
comments powered by Disqus
Sot mund të lexoni Shfletoni kopertinat