Afati për konfirmimin ose hedhjen poshtë të aktakuzës kundër presidentit të Kosovës, Hashim Thaçit dhe Kadri Veselit nga Gjykata Speciale tashmë ka kaluar ku ishte e paraparë deri më 24 tetor të publikon vendimin e saj.
Mirëpo, edhe pse ka kaluar ky afat ligjor, sipas njohësve të çështjeve juridike, aktakuza mund të bëhet publike në seancën e parë ndaj tyre.
Megjithatë, ish-eprori i lartë i UÇK-së dhe ish-agjenti i SHIK-ut, Naim Miftari, pohon se Gjykata Speciale ka të drejtë të e mbaj fshehtësi aktakuzën nëse parash rrezik, derisa nuk i paraqet të akuzuarit para Gjykatës.
Ai shprehet i bindur se Thaçi tashmë e din mirë edhe ai se i është konfirmuar me shtesë aktakuza dhe se avokatët e tij janë të njoftuar.
“Tashmë është vetëm çështje kohe se kur do të shkoj Thaçi në Hagë”, tha Miftari.
“Posa të kalojnë zgjedhjet në Amerikë, do të fillon mbledhja e të akuzuarve dhe mundësi për ta zhbërë këtë Gjykatë më nuk ka me gjithë tentimet e Thaçit, kinse Gjykata Kushtetuese dhe sidomos loja që e ka bërë me kinse Dosjet dhe me sekserët e tij të quajtuar Rrufeja 1, 2, 3... Ai lojën e bën me të vetëquajturit OVL që në fakt janë vetëm instrument i Thaçit dhe PDK-së me disa bossa të tjerë politik”, thotë Miftari për gazetën “Bota sot”.
Ai thotë se Gjykata Speciale është një etnike dhe e padrejtë për Kosovën, por shton se Thaçi ishte ai që i detyroi të votojnë deputetët për të.
“Tani kur e pa Thaçi se e kanë mashtruar miqtë e vet ndërkombëtar se ka kinse Thaçi “imunitet” nga Specialja, kur e hetoi se pos shokëve dhe ish shokëve të tij, edhe vet do të përfundonte nën llupen e kësaj Gjykate tentoi ta zhbëj dhe po tenton edhe sot ta pengoj atë. Mirëpo, paraprakisht kjo Gjykatë jo e drejtë i ka anashkaluar dhe ka hequr dorë në ndjekjen e 98% të krimeve të luftës që i ka bërë Serbia në Kosovë. Tani nëse do të heq dorë edhe nga akuzat kundër Hashim Thaçit do të hiqte dorë edhe në 2% të krimeve tjera të mundshme të luftës në Kosovë, pra Gjykata do ta shpërbënte veten”, thotë ai.
Ai e quan gënjeshtër thelbin e Speciales që kinse ka pas tregti me organet nga UÇK-ja.
Sipas tij, kjo është fallcifikim i lobimeve serbo-ruse që i shndërruan në Rezolutë Evropiane përmes deputetit Dick Martyt, i cili ishte i sponsorizuar nga serbo-rusët.
“Megjithatë, në atë kohë Hashim Thaçi mendonte se është i paprekshëm nga Gjykata dhe nuk e lejoi shteti tonë të reagoj fuqishëm duke menduar se në Hagë do të përfundojnë disa ish-shokët e tij të UÇK-së që sot i ka kundërshtar politik. Me pas ditë ai që do të akuzohet edhe vet, kurrë nuk do të pranonte apo lejonte të instalohet kjo Gjykatë një etnike në Kosovë”, përfundon Miftari.
