Mijëra besimtarë kanë shoqëruar dje përpara Kishës së Ringjalljes së Krishtit në Podgoricë, mitropolitin e Kishës Ortodokse Serbe të Malit të Zi (KOS) Amfilohije, i cili vdiq të premten në Podgoricë në moshën 83-vjeçare. Megjithëse Amfilohije vdiq për shkak se kontraktoi virusin koronavirus, vetëm disa kishin maska në varrim dhe askush nuk mbante distancë fizike, ndërsa shumë qytetarë puthën trupin e të ndjerit Amfilohije të ekspozuar në një arkivol të hapur për dy ditët e fundit, duke injoruar paralajmërimet e epidemiologëve se arkivoli ishte një "qerdhe infeksioni".
Konflikti për Kosovën
Edhe lamtumira e Amfilohijes konfirmoi fuqinë dhe ndikimin që ai kishte gjatë jetës së tij. Ai u varros në kriptën e katedrales së re monumentale të Kishës Ortodokse Serbe në Podgoricë dhe liturgjia u shërbye nga patriarku serb Irinej. Mandatari i qeverisë së re malazeze, Zdravko Krivokapiq, ishte gjithashtu i pranishëm në varrim.
Në varrim, me publicitet të madh mbërriti edhe presidenti i Serbisë, Aleksandar Vuçiq, megjithëse marrëdhënia e tij me metropolitin e ndjerë u shënua nga grindje dhe konflikte shumëvjeçare, kjo është edhe arsyeja pse Vuçiq nuk pati mundësinë të flasë në varrim, por gjatë asaj kohe mbajti konferencë për shtyp, gj që hasi në reagime të indinjuara nga të pranishmit. Shkuarja e Vuçiçit në Podgoricë u paraqit në Beograd si "veprim i guximshëm", i cili të kujton mënyrën në të cilën mediat e pro-Vuçiqit dikur portretizuan shkuarjen e Vuçiçit në Srebrenicë, duke e portretizuar Vuçiqin si viktimë dhe martir.
Vuçiqi me zemërim u largua nga këshilli i kishës për shkak të akuzave të forta të Amfilohijes se e kishte tradhtuar Kosovën dhe se po punon kundër interesave të popullit serb, dhe megjithëse më vonë ai nuk e kritikoi publikisht Amfilohije, tabloidët e tij bënë punën në vend të tij, si zakonisht, duke nisur një fushatë të ashpër kundër metropolitit të fuqishëm dhe me ndikim, i cili papritmas akuzohet se është përfshirë në politikë, edhe pse Amfilohije e ka bërë këtë për dekada.
Amfilohije, megjithatë, nuk u tërhoq. Ai provoi edhe një herë se ishte aq i fuqishëm sa të sfidonte Vuçiqin, të cilin më vonë e quajti "injorant i madh" dhe "president i përkohshëm", duke e sfiduar atë në titullin e presidentit të të gjithë serbëve, i cili u nderua kohët e fundit nga bashkëpunëtorët e tij më të ngushtë. Amfilohije tha se Vuçiqi nuk ishte presidenti i "popullit serb në botë", duke e akuzuar për pjesëmarrje në grusht shteti në Malin e Zi me Milo Gjukanoviqin, kështu që, akuzonte Amfilohije, udhëheqësit e Frontit Demokratik pro-Serb, Andrija Mandiq dhe Milan Knezhevic në Mal të Zi, për fajin e tij, u dënuan me nga pesë vjet burg secili, shkruan Vecernji.hr.
