Lista Serbe po e pret “shenjën” e Vuçiqit për ta rrëzuar qeverinë Hoti

Politika

Lista Serbe po e pret “shenjën” e Vuçiqit për ta rrëzuar qeverinë Hoti

Nga: B.S. Më: 13 nëntor 2020 Në ora: 09:56
Lista serbe

Lista Serbe ende nuk ka marrë një vendim përfundimtar nëse do të mbështesë përpjekjet e Partisë Demokratike të Kosovës në opozitë për të "përmbysur" qeverinë aktuale të Kosovës të Avdulah Hotit, megjithëse ajo kërcënon publikisht ta bëjë këtë, thonë burime politike dhe diplomatike të "Danas"-it.

Sipas bashkëbiseduesve të gazetës beogradase, "Lista Serbe do të jetë e gatshme të marrë pjesë në rrëzimin e qeverisë së Hotit vetëm nëse janë të sigurt se kjo do të çojë në zgjedhje të reja në Kosovë, duke dobësuar pozicionin negociues të Kosovës dhe duke i dhënë kohë Serbisë të shtyjë zgjidhjen përfundimtare që do të përfshinte njohjen e Kosovës". Përfaqësuesit e Listës Serbe janë duke pritur për "t'ua bëjë me sy" presidenti i Serbisë, Aleksandar Vuçiq se a duhet ta bëjnë këtë ".

Disa diplomatë thonë se Vuçiqi nuk do të këshillojë Listën Serbe, besnike ndaj Beogradit zyrtar, të votojë për përmbysjen e qeverisë së Hotit.

Siç shpjegojnë ata, Vuçiqi do të presë të shohë se si administrata e presidentit të ardhshëm të SHBA-së Joseph Biden do ta trajtojë çështjen e Kosovës, ndërsa "Hoti, i cili mbron vazhdimin e negociatave me Serbinë, është një bashkëbisedues më pak i pakëndshëm për kryetarin e Serbisë sesa Albin Kurti, udhëheqësi i Vetëvendosjes, i cili  konsiderohet si politikani më popullor në mesin e shqiptarëve të Kosovës ".

"Vlerësimi i Kurti po rritet më tej pas fitores së Bidenit dhe besohet se ai do ta ketë më të lehtë të gjejë gjuhë të përbashkët me administratën demokratike në Uashington sesa me republikanët të udhëhequr nga Donald Trumpi. Prandaj, është më realiste të presësh që Lista Serbe do të qëndrojë zyrtarisht mënjanë për këta disa muaj, dmth që nuk do të rrëzojë qeverinë e Hotit, por do të pengojë punën e qeverisë dhe parlamentit të Kosovës, sipas parimit - unë marr pjesë kur më përshtatet, nuk marr pjesë kur nuk më përshtatet”, shpjegojnë burimet.

Milica Andriq Rakić, gazetare e portalit KoSSev, vlerëson se nëse qeveria rrëzohet, "kjo do të jetë me iniciativë të Aleancës për Ardhmërinë e Kosovës (AAK) të Haradinajt, dhe kjo për shkak të pozitës së presidentit.

- Lista Serbe, si më parë, u ofroi mbështetje partive që dëshirojnë të përmbysin qeverinë, por gjithashtu ua kujtoj se partitë e Kosovës kanë deklaruar më parë se megjithëse dëshirojnë të rrëzojnë qeverinë, ata nuk do ta arrijnë atë qëllim me Listën Serbe. Çdo bashkëpunim me listën e Srpski para zgjedhjeve, madje edhe për përmbysjen e qeverisë jopopullore, nuk u bën dobi partive të Kosovës dhe ato nuk do ta bëjnë këtë. Po kështu, për PDK-në aktualisht është më i përshtatshëm riformatimi i qeverisë, pjesë e së cilës do të bëhej sesa zgjedhjet e reja. Për momentin, zgjedhjet i përgjigjen vetëm Vetëvendosjes, thekson Andriq Rakiq.

Petar Miletiq, gazetar dhe ish-nënkryetar i Parlamentit të Kosovës, deklaron se pozicioni i Listës serbe "do të varet nëse Hoti do të përmbushë kërkesat e Listës Serbe, por mbijetesa e qeverisë aktuale varet më shumë nga PDK-ja dhe hyrja e tyre përfundimtare në Qeveri dhe nga administrata e re e Uashingtonit sesa nga Lista Serbe ".

- Qeveria e Hotit mbijeton falë negociatave me Beogradin dhe kjo është arsyeja e vetme për të mos thirrur zgjedhjet. Hoti ka shumë probleme më serioze sesa kërkesat e Listës Serbe, kështu që sigurisht nuk është në listën e përparësive të tij, beson Miletiq.

I pyetur rreeth zgjedhjet të presidentit të ri të Kosovës, Miletiq ka thënë se kryetarja e Parlamentit të Kosovës dhe ushtruesja e detyrës së presidentit të Kosovës Vjosa Osmani ka më shumë gjasa të zgjighet presidente, "sidomos duke pasur parasysh lidhjet e saja të mira politike në Uashington".

Shfaq komentet
comments powered by Disqus
Sot mund të lexoni Shfletoni kopertinat