Kuvendi komunal i Bujanocit ka mbështetur sot iniciativën që ministri i punëve të jashtme i Shqipërisë Gent Cakaj të shpallet qyetar nderi i komunës së Bujanocit.
Mbledhjen e Kuvendit e kanë bojkotuar këshilltarët serbë, ndërsa ata shqiptarë e kanë mbështetur këtë iniciativë.
Në arsyetimin e iniciativës thuhet, të cilën e kanë nënshkruar 26 këshilltarë, thuhet se Cakaj i ka kontribuuar "stabilitetit politik, ekonomik e social" të Bujanocit, transmeton "Danas"-i.
Kryetari i Kuvedit Enver Ramadani ka vlerësuar se "sot është ditë e rëndësishme për të gjithë qytetarët e Bujanocit" dhe se Cakaj ka ofruar "mbështetje në realizimin e ideve evropiane".
Ai gjithashtu tha se "në emër të të gjithë këshilltarëve të Asamblesë Komunale të Bujanocit" po e nënshkruan këtë iniciativë.
Pëlqimi përfundimtar për vendimin për shpalljen e Cakaj si një qytetar nderi i komunës së Bujanocit do të bëhet nga Ministria e Administratës Shtetërore dhe Vetëqeverisjes Lokale, siç kërkohet me ligj.
Politikanët shqiptarë në Bujanoc janë mirënjohës për ndikimin vendimtar në formimin e një qeverie njëetnike, e cila përbëhet vetëm nga shqiptarë, në Bujanocin multietnik, ku pak më pak se gjysma e popullsisë së përgjithshme janë serbë dhe romë.
Me formimin e qeverisë së re, serbët dhe romët janë në opozitë dhe qeveria lokale i ka hequr nga të gjitha organet parlamentare, shkruan gazeta beogradase.