Paralajmëron ish-deputeti: Do jetë garë e ngushtë për vendin e parë ndërmjet LDK-së dhe VV-së

Politika

Paralajmëron ish-deputeti: Do jetë garë e ngushtë për vendin e parë ndërmjet LDK-së dhe VV-së

Nga: G.B Më: 23 dhjetor 2020 Në ora: 17:41
Kuvendi i Kosovës

U.D e presidentit të Kosovës, Vjosa Osmani, ka përfunduar sot takimet me përfaqësuesit e partive politike për të caktuar datën e zgjedhjeve.

Takimet i filloi dje dhe tashmë mbetet që të caktohet data për zgjedhjet e jashtëzakonshme.

Ato do të mbahen pas vendimit të Gjykatës Kushtetuese, e cila e shpalli jokushtetuese votën e deputetit Etem Arifi për Qeverinë Hoti.

Image
Naser Rugova

Partitë janë deklaruar se janë të gatshme për mbajtjen e zgjedhjeve, duke përmendur muajin shkurt si mundësi për mbajtjen e tyre.

Lidhur me vendimin e Kushtetueses, ish deputeti i LDK-së, Naser Rugova, ka thënë për gazetën “Bota sot” se ato duhet zbatuar dhe nuk kontestohen.

“Vendimet e Gjykatës Kushtetuese nuk kontestohen, ato obligativisht duhet të zbatohen”, është shprehur ai.

Sa i përket zgjedhjeve, ai ka thënë se do të jetë një rezultat me lëkundje 2-3 për qind nga zgjedhjet e kaluara, duke thënë se e sheh garën me VV-në e që pret rezultate të favorshme për LDK-në.

“Unë vlerësoj se do të jetë rezultat me lëkundje 2-3% nga zgjedhjet e fundit, nuk pres ndryshime spektakolare, e shoh garën për vend të parë mes LDK dhe VV. Pres rezultate të favorshme për LDK”, ka deklaruar Naser Rugova për “Bota sot”.

commentFirst article
Sot mund të lexoni Shfletoni kopertinat