“Vjosa Osmani besnike ndaj vizionit politik të Rugovës”

Politika

“Vjosa Osmani besnike ndaj vizionit politik të Rugovës”

Nga: A.Z Më: 23 dhjetor 2020 Në ora: 20:13
Vjosa Osmani

Ushtruesja e detyrës së presidentes dhe kryetarja e Kuvendit të Kosovës, Vjosa Osmani, ka paralajmëruar formimin e listës së saj për të garuar në zgjedhje, pa dhënë detaje nëse do të garojë si listë e vetme, apo me ndonjë parti tjetër si koalicion.

Këtë e ka komentuar edhe njohësi i çështjeve politike, Skënder Mulliqi, i cili në një prononcim për “Bota sot”, ka thënë se ndarja nga LDK-ja e Ibrahim Rugovës, ku ka vepruar për shumë kohë, sigurisht që nuk është e lehtë për Osmanin.

Ai thotë se si shkak që Osmani të largohet nga strukturat e larta të LDK-së, janë rrethanat politike të LDK-së në krye me Isa Mustafën dhe rrethanat që e quan në prishje të koalicionit me LVV-në.

“Ndarja nga një subjekt politik ku ke vepruar për shumë kohë, ku ke arritur zenitin politik edhe pushtetarë, në LDK-në, e dr. Ibrahim Rugovës, sigurisht se nuk është e lehtë për Vjosa Osmanin. Rrethanat politike në LDK-në me Isa Mustafën në krye, dhe rrethanat që e quan në prishje të koalicionit qeveritarë me LVV-në, e larguan Osmanin pashmangshëm nga ky subjekt politikë. E larguan nga strukturat e larta te LDK-së, vetëm pse Vjosa nuk deshi bashkëpunim me ata që këtë parti e bënë filial të partive tjera politike. Qeveria Kurti me të drejtë u cilësua qeveri e shpresës , të cilën e rrënuan vetëm pas 50 ditësh njerëzit e biznes politikës”, tha ai.

Tutje ka shtuar se rrjedhën për ngjarjet e fundit që kanë ndodhur, duke e përfshirë pa ligjshmërinë e deputetit Arifi, mënyrën se si u largua qeveria Kurti dhe se si u formua qeveria Hoti, opinioni i ka të gjitha informacionet lidhur me këto.

Sipas Mulliqit, situata e tanishme i’a shtojnë gjasat LVV-së dhe Vjosa Osmanit që në zgjedhjet e paralajmëruara të fitojnë pushtetin.

“Opinioni tashmë i ka të gjitha informacionet për rrjedhën e ngjarjeve politike, si edhe për ngjarjen e fundit lidhur me pa ligjshmërinë e deputetit Arifi, të shpallur nga Kushtetuesja. Vendi po shkon sërish në zgjedhje të jashtëzakonshme nacionale breda një kohe të shkurtër. Mënyra se si u largua qeveria Kurti, mënyra se si u formua qeveria Hoti, jashtë praktikave të deritashme kushtetuese , krizat e vazhdueshme politike, institucionale, ekonomike, mos aftësia e kastës në pushtet në prurjen e gjendjes së normaitetit, edhe nga korrupcioni i lartë, pandemia, ua shton gjasat me të drejtë LVV-së dhe Listës së Vjosa Osmanit që në zgjedhjet e paralajmëruara të fitojnë pushtetin”, tha ai.

Më tej ka theksuar se edhe pse Vjosa nuk ka dhënë shumë detaje lidhur me subjektin politik që formon, dihet afërsia e saj me LVV-në. Mirëpo, Osmani as që mendon të bashkëpunoj me ata të cilët e kanë sjellë vendin në kriza.

“Është e vërtetë së Vjosa nuk ka dhënë shumë detaje lidhur më subjektin politik që po formon, por dihet për afrinë e saj me LVV-në. Kështu sipas gjitha gjasave Lista do të jetë në kuadër të LVV-së , më të propozuarit e saj për deputet të legjislacionit të ardhshëm. Vendit i nevojiten ndryshimet pozitive pas shumë kohësh. Vjosa nuk do te luhatët në përcaktimin e saj si reformatore , e cila as që mendon të bashkëpunon , me ata të cilët e kanë pru vendin në kriza të shumëllojshme. Vjosa i ka mbetë shumë besnike vizionit politike të presidentit të parë të Kosovës, Ibrahim Rugovës. Partive tjera politike iu mbetet t’i korrigjojnë gabimet, duke bërë reforma substanciale të brendshme“, përfundoi ai.

Shfaq komentet
comments powered by Disqus
Sot mund të lexoni Shfletoni kopertinat