Dialogu me Kosovën ishte në ndërprerje gjatë vitit 2020 dhe pothuajse nuk kishte përparim, përveç nëse nënshkrimi i të ashtuquajturës Marrëveshje të Uashingtonit llogaritet përparim, shkruan Deutsche Welle në një analizë për atë që e pret Serbinë në vitin e ri.
Problemi i Kosovës po zhvendoset në vitin e ardhshëm, dhe në këtë kuptim nuk ka indikacione se në vitin 2021 do të ketë përparim të dukshëm. Siç vlerësoi për DW-në Marko Savkoviq, drejtori ekzekutiv i Fondit për përsosmëri politike, "problem është se nuk dihet tani cili duhet të jetë hapi tjetër në këtë dialog. Ka mbetur pak gjë në pjesën teknike të dialogut që ende duhet të arrihet marrëveshje: mbetet Asociacioni i Komunave Serbe si çështja e fundit e madhe. "
"Mbetet e paqartë se si duhet të duket marrëveshja gjithëpërfshirëse," tha Savkoviq, duke shtuar se "të dy palët janë larguar. Shkalla është ngritur shumë lart nga të dy palët. Prishtina tani ka marrë qëndrimin se normalizimi është vetëm njohja e ndërsjellë për ta. Njohja e Kosovës nga Serbia është e pamundur, dhe ajo gjithashtu është ngritur në një nivel të lartë dhe është e vështirë për mua të imagjinoj që gjërat të kthehen." Marko Savkoviq beson se "tani ne mund të shkojmë drejt një marrëveshjeje më pak ambicioze, e cila do të bashkonte gjithçka që ua bën më të lehtë jetën njerëzve, dhe e cila, në thelb, nuk do të kënaqte ambiciet e asnjërës palë".
Vuçiç pret mandatin e dytë
Mendoj se dialogu i kotë midis Beogradit dhe Prishtinës do të vazhdojë gjatë vitit 2021, vlerëson Zoran Gavriloviqi, bashkëpunëtor i Byrosë për kërkime sociale (BIRODI). "Me ndryshimin e administratës së ShBA-së, mjedisi në të cilin do të ndodhë kjo do të jetë më i qartë, por presioni që do të pasojë nga ShBA-ja dhe BE-ja nuk do të ketë shumë sukses - nga njëra anë për shkak të mbështetjes së Vuçiqit në Serbi, dhe nga ana tjetër për shkak të krizës së pushtetit ekzekutiv në Prishtinë".
"Pres që Aleksandar Vuçiqi në vitin parazgjedhor - sepse nuk përjashtoj që zgjedhjet do të mbahen në 2021 - nuk do të zgjidhë problemin e Kosovës," shtoi Gavriloviq, "thjesht mendoj se ai për këtë po e pret një mandat të dytë presidencial. Kjo në fund për të mund të jetë kartë për të kaluar edhe një palë zgjedhje tjera të parregullta".
Ky vlerësim i bashkëbiseduesit përputhet me deklaratën e kryetarit të Serbisë "se deri në zgjedhjet e planifikuara për në vitin 2022, Kosova nuk do të njihet dhe se pas kësaj, populli do të jetë ai që do të vendosë", konstaton DW-ja.
