“Qeveria Kurti duhet me urgjencë të vendos masën e reciprocitetit me Serbinë në të gjitha fushat”

Politika

“Qeveria Kurti duhet me urgjencë të vendos masën e reciprocitetit me Serbinë në të gjitha fushat”

Nga: A.SH Më: 15 prill 2021 Në ora: 13:37
Albin Kurti

Kryeministri i Kosovës, Albin Kurti gjatë fushatës zgjedhore ka paralajmëruar vendosjen e masës së reciprocitetit me Serbinë, për çka ka thënë se do të jetë çështje javësh pasi të marrë udhëheqjen e qeverisë.

Nga Qeveria ditë më parë kanë thënë se nuk ka ndojnë datë për vendosjen e reciprocitetit me Serbinë.

“Reciprociteti nuk është nocion i ri për Lëvizjen Vetëvendosje dhe se askush nuk mund të kontestojë këtë parim për të cilin buron nga sovraniteti i shtetit të Kosovës”, kanë thënë nga Qeveria.

Analisti politik, Islam Krasniqi, në një prononcim për “Bota sot” ka thënë se, parimi i reciprocitetit është një ndër parimet kryesor të një shteti, parim në bazë të cilit rregullohet raportet ndërshtetëror.

“Një ndër premtimet kryesore gjatë fushatës zgjedhore e LVV-së ka qenë parimi i reciprocitetit, parim në të cilin është thirrur LVV gjatë fushatës apo edhe gjatë rrugëtimit të tyre. Parimi i reciprocitetit është një ndër parimet kryesor të një shteti, parim në bazë të cilit rregullohen raportet ndërshtetëror”, ka thënë Krasniqi.

Image
Islam Krasniqi

 

Sipas tij, raportet me Serbinë mund të rregullohen vetëm duke e vendosur reciprociteti, pasi që vetëm atëherë mund të na konsideroj si të barabartë.

“Nuk mund të rregullohen raportet me Serbinë pa e vendosur reciprocitetin, pasi që vetëm atëherë mund të na konsideroj si të barabartë. Andaj qeveria Kurti duhet me urgjencë të vendos masën e reciprocitetit me Serbinë në të gjitha fushat, qoftë në aspektin ekonomik, politik e tregtar, pasi që ky parim mund t’i sjellë edhe fitime buxhetit të shtetit”, përfundon Krasniqi.

commentFirst article
Sot mund të lexoni Shfletoni kopertinat