Deputeti i Lidhjes Demokratike të Kosovës, Imet Rrahmani, ka vlerësuar se nuk është i papritur sondazhi i KDI-së, në të cilin LDK ka dalë partia e parë në vend.
Ai ka vlerësuar se nuk është diçka e papritur kjo përparësi e LDK-së, pasi politikat e saj, më shumë pragmatike sesa popullsite, karshi problemeve të rëndësishme për vendin, kanë bërë që elektorati të shoh tek LDK-ja partinë shpresëdhënëse për shtyrjen përpara të procesit të forcimit të themeleve të shtet formimit.
“Disa individ dhe parti të tjera që shfrytëzuan dhe keqpërdorën vështirësitë reale në proceset integruese, në procesin e demarkacionit dhe në proceset ekonomike, sigurisht se me qeverisjen aktuale u demaskuan dhe do ta marrin vendin e merituar me votën e radhës nga kosovarët. Unë personalisht mendoj se LDK-ja do të dal edhe më mirë se sondazhet, si e vetme dhe pa koalicione parazgjedhore”, është shprehur deputeti Rrahmani.
