“Politika e Thaçit i krijoi favore Serbisë dhe çarje në komunitetin ndërkombëtar” - Bota Sot
“Politika e Thaçit i krijoi favore Serbisë dhe çarje në komunitetin ndërkombëtar”

Politika

“Politika e Thaçit i krijoi favore Serbisë dhe çarje në komunitetin ndërkombëtar”

Gresa Bajraktari Nga Gresa Bajraktari Më 3 shtator 2018 Në ora: 21:55
Foto ilustruese

Presidenti i Komisionit Evropian, Jean-Claude Juncker, ka shprehur mbështetje të plotë për arritjen e një marrëveshjeje në mes të Kosovës dhe Serbisë, si kusht për sigurimin e paqes afatgjate në Ballkanin Perëndimor dhe për hapjen e perspektivës për anëtarësim në BE.

Këtë e ka bërë të ditur presidenti i Kosovës, Hashim Thaçi, pas një bisede telefonike me Juncker, me të cilin ka biseduar dhe për liberalizimin e vizave.

Se a është marrëveshje në mes të Kosovës dhe Serbisë, kusht për sigurimin e paqes në Ballkanin Perëndimor, eksperti i sigurisë, Fadil Kajtazi, ka thënë për gazetën “Bota sot” se BE nuk dëshiron probleme të mëdha nga Kosova e vogël dhe Serbia shoveniste.

Image
Fadil Kajtazi

“Rëndësia e kësaj marrëveshje për BE është fakti i mos konsolidimit shtetëror të Kosovës dhe Serbisë. BE nuk dëshiron probleme të mëdha nga Kosova e vogël dhe Serbia shoveniste. Dhe fajtore për mos konsolidimin shtetëror të Kosovës është pikërisht Thaçi dhe koncepti i tij politik i instalimit në shtet të korrupsionit, krimit të organizuar”, është shprehur ai.

Kajtazi thekson se mënyra e qeverisjes nga Thaçi ka krijuar çarje të mëdha në komunitetin ndërkombëtar dhe kjo mënyrë e qeverisjes i ka krijuar favore Serbisë.

“Kjo mënyrë e qeverisjes sipas stilit Thaçi, arriti të krijoi çarje të mëdha në komunitetin ndërkombëtar i cili përkrahu krijimin e shtetit të Kosovës. Kjo mënyrë e qeverisjes i krijoi Serbisë favore që të bëhet hisetare në rrugën e integrimeve euroatlantike dhe të devijojë kursin që kjo rrugë të kalojë nëpër Beograd”, ka vlerësuar eksperti i sigurisë.

Sipas tij, paaftësia e Thaçit për ta qeverisur vendet në përputhje me standardet e BE-së është shqetësuese edhe për sigurinë e BE-së dhe presidentin e Komisionit Evropian, për çka ai ka shprehur shqetësim.

“Paaftësia e Thaçit për ta qeverisur vendin në përputhje me standardet që BE i ka vendosur për vendet e dala nga lufta dhe vendet që është bërë ndryshimi i sistemeve shtetërore, ka bërë që ai ta kamufloi veten në të ashtuquajturat tema të mëdha të cilat vendit po i rrezikojnë ardhmërinë. Natyrisht se kjo paaftësi qeverisëse është shqetësuese për sigurinë e BE dhe presidentin e Komisionit Evropian, Jean-Claude Juncker me të drejtë ka shprehur shqetësim. Kjo lidhet edhe me gjendjen e vështirë ekonomike në Serbi dhe kaosin social atje si shkak i sundimit krimit dhe korrupsionit i cili është po ashtu i lidhur me shtetin dhe paaftësinë qeverisëse të klasës politike e cila ka prejardhje nga kuzhina millosheviqiane”, ka deklaruar Fadil Kajtazi për gazetën “Bota sot”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...