Ditë më parë dy deputetë të Nismës Socialdemokrate, Milaim Zeka dhe Zafir Berisha kanë deklaruar se mund t`i ndihmojnë opozitës për rrëzimin e Qeverisë së udhëhequr nga Ramush Haradinaj, përkundër që partia e tyre është pjesë e koalicionit qeverisës.
Lidhur më këtë, deputetja e Lidhjes Demokratike të Kosovës, Valentina Bunjaku Rexhepi ka deklaruar për “Bota sot” se bashkëngjitja e deputetëve të pozitës për rrëzimin e Qeverisës japin kontributin në dobi të vendit.
Po ashtu, ajo ka deklaruar se është e rëndësishme që disa nga ata e kanë parë dështimin e qeverisë aktuale dhe si zgjedhje shohin rrëzimin e Qeverisë.
“Secili deputet nga koalicioni qeverisës që shpreh gatishmërinë për tu bashkangjitur opozitës në rrëzimin e qeverisë jep kontributin e vet në dobi të vendit. E rëndësishme është që edhe disa nga ta po e shohin dështimin e plotë të qeverisë aktuale dhe zgjidhja me optimale është rrëzimi i kësaj keqqeverisje. Se kur është koha tani nuk ka çka flitet sepse si duket ajo tashmë veç po ikën....”, ka deklaruar Bunjaku Rexhepi për “Bota sot”.
