Millaku: Duhet të bëjmë të pamundurën që t’i ndalojmë aventurat e rrezikshme - Bota Sot
Millaku: Duhet të bëjmë të pamundurën që t’i ndalojmë aventurat e rrezikshme

Politika

Millaku: Duhet të bëjmë të pamundurën që t’i ndalojmë aventurat e rrezikshme

Nga: G.B Më: 3 nëntor 2018 Në ora: 16:38
Drita Millaku

Deputetja nga radhët e VV-së, Drita Millaku, ka thënë për gazetën “Bota sot” se kundërshtimi i Gjermanisë nga Thaçi tregon se ai është tejet i rrezikshëm për të ardhmen e vendit dhe se duhet bërë të pamundurën që ai të ndalohet.

“Wolfgang Ischinger në llogarinë e tij zyrtare shkruan se pozicioni i qeverisë gjermane rreth kufijve të Kosovës është kritikuar nga Thaçi dhe Bërnabiq. Kjo tregon më së miri se Hashim Thaçi është tejet i rrezikshëm për të ardhmen e vendit ky njeri ka kohë që e ka hequr...Ne duhet të bëjmë të pamundurën që t’i ndalojmë aventurat e rrezikshme të tij që po i bën në dëm të sovranitetit dhe tërësisë territorit të Kosovës”, ka vlerësuar Millaku.

Sipas saj, Gjermania është më e vendosur për mbrojtjen e vendit se sa presidenti dhe në këtë mënyrë si po vepron ai, po i humbë miqtë ndërkombëtarë, duke u munduar ta mbrojë lëkurën e tij.

“Hashim Thaçi nuk zgjedh mjet dhe rast për të promovuar idenë serbe të "korrigjimit të kufijve" dhe situata si kjo kur Gjermania është më e kujdesshme dhe më e vendosur se sa presidenti i vendit për mbrojtjen e tërësisë territoriale të vendit është për të ardhur keq. Ky njeri përveç dëmit që po i bën Kosovës në gjymtimin territorial ai po bën dëm edhe në drejtim të humbjes së miqve tanë të dëshmuar ndërkombëtarë. Pra ky njeri është shumë i rrezikshëm për ta ruajtur lëkurën e vet, Kosovës po ia humbë edhe miqtë ndërkombëtar”, ka deklaruar deputetja Drita Millaku për “Bota sot”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...