Analisti politik Faik Krasniqi ka deklaruar për “Bota sot” se deputetet duhet kthehen në mënyrë që ta parandalojnë Presidentin e Kosovës Hashim Thaçi pasi që vendi po kalon në disa procese jetike.
Sipas tij, deputetët e Kuvendit të Kosovës duhet të jenë të jenë të pranishëm, dhe pas votimit të rezolutës të ngritët mocionin për rrëzimin e Qeverisë..
“Kur kjo Rezolutë të hidhet në votim, duhet të jenë prezent gjithë deputetët e opozitës, dhe jo si herën e kaluar kur mungonin shumë prej tyre. Pas përfundimit të këtyre proceseve opozita menjëherë duhet të ngritë mocionin për rrëzimin e kësaj Qeverie, sepse Kosova nuk guxon të ketë Qeveri e cila shantazhohet nga Lista serbe!”, ka përfunduar Krasniqi për “Bota sot”
Sipas tij, Kosova po kalon nëpër disa procese jetike për vendin, si si ushtria, Interpoli, liberalizimi i vizave dhe dialogu me Serbinë.
“Në anën tjetër kemi një President që po negocion me Serbinë për territorin e Kosovës. Prandaj, opozita duhet të jetë në Kuvend në mënyrë që ta parandalojnë Presidentin Thaçi në aventurat e tij”, ka thënë ai për “Bota sot”.