Ish-anëtari i SHIK-ut jep emrat e komandantëve që “akuzohen” nga Gjykata Speciale - Bota Sot
Ish-anëtari i SHIK-ut jep emrat e komandantëve që “akuzohen” nga Gjykata Speciale

Politika

Ish-anëtari i SHIK-ut jep emrat e komandantëve që “akuzohen” nga Gjykata Speciale

Nga: N.Sh Më: 25 dhjetor 2018 Në ora: 21:51
Fatmir Limaj, Hashim Thaçi, Sylejman Selimi - Fotografi gjatë luftës

Presidenti i Kosovës, Hashim Thaçi, i cili e solli Gjykatën Speciale, për të shpëtuar vet nga gjykimi i saj, është në gjendje që të tradhtoj çdo bashkëluftëtar të tij.

Kështu thotë, Naim Miftari ish-pjesëtar i SHIK-ut, dhe ish-epror i lartë i UÇK-së dhe TMK-së,

Ai pohon se, Thaçi me marrëveshjen K-90 që e ka bërë me NATO-n ka “tradhtuar” komplet UÇK-në duke çarmatosur edhe pse Kosova nuk ishte e liruar plotësisht dhe në dorë të shqiptarëve.

“Hashim për ta shpëtuar vetveten është në gjendje që të jep çdo kënd. Nuk janë sekret bashkëpunëtoret e Hashim Thaçit që nuk kanë pas lidhej me UÇK-në që kanë qenë anti UÇK, siç është rasti i Enver Hoxhajt, Hajredin Kuçit etj, nonstop pas luftës kanë denoncua në ambasadat e huaja ish udhëheqësit e luftës së UÇK-së dhe këto denoncime janë bërë në sinkronizim të plotë me Hashim Thaçin”, thotë Miftari për gazetën “Bota sot”.

Image
Naim Miftari

Ai thotë se, edhe arrestimet e ish komandantëve të UÇK-së që janë bërë në Kosovë pas luftës nga UNMIK-u dhe EULEX-i  si dhe Tribunali i Hagës, shumica e mbajnë vulën e Hashim Thaçit.

“Duhet të ia pranojmë se tregtia dhe biznesi me shokë e ka si dhunti edhe natyrale për shkak se i shkon ky biznes gogja mirë, metoda e tij është shitja e shokëve të luftës dhe pranimi dhe bashkëpunimi i afërt me ish njerëzit që janë kanë kundër luftës ose kanë qenë bashkëpunëtorë dhe njerëzit që kanë akoma nostalgji për Serbinë dhe Jugosllavinë e Titos”, thotë ai.

Ai shton se, ata njerëz Hashim Thaçi i ka ofrua afër dhe shpesh herë e përdorë sistemin, “armikun më afër se mikun”.

“Duke i përdorë njerëzit dhe pas një kohe duke i lanë të vetmuar dhe duke i denoncuar edhe pse shpesh herë ato punë që janë kanë të dënueshme janë bë me urdhrat e tij”, thotë ai.

Ai e kujton edhe deklaratën e Sami Lushtakut, kur tha se njerëzve të PDK-së ju ka konvenuar që njerëzit e luftës të shkoje në burg.

“Kurse tani për Gjykatën Speciale që e ka sjell pikërisht Hashim Thaçi në Kosovë do të merret kryesisht me shokët e tij duke filluar nga Sabit Geci, Sokol Dobruna, Azem Syla, ndoshta kjo gjykatë do ta arreston edhe Daut Haradinaj, Shukri Buja, Rexhep Selimi dhe shumë të tjerë, të cilët Hashim Thaçit nga viti 1999 nuk i duhen më dhe janë kundërshtar të tij”, shton ai.

“Për shkak të kësaj unë Naim Miftari epror i larte i UÇK-së, TMK-së them me bindje të plot se gati asnjë vrasje në Kosovë nuk është bë pa dijen dhe urdhrin apo miratim e Hashim Thaçit. Tash ish kanë koha me fole ata njerëz që kanë vra në emër të Thaçit”, përfundon Naim Miftari.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh
test
Tjera