Njohësi i çështjeve politike, Haki Abazi mendon se pala e Kosovës gjatë dialogut në Bruksel nuk kanë pasur strategji dhe objektiva.
“Nuk ka pasur strategji dhe objektiva, por ajo që është e tmerrshme dhe e pafalshme është se praktikisht dialogu për herë të parë që nga rënia e murit të Berlinit po bëhet pa ndërmjetësues neutral ndërkombëtarë”, ka thënë ai për “Bota sot”.
Gjithashtu, ai deklaron për “Bota sot” se Bashkimi Evropian nuk e po njeh Kosovën si shtet dhe se ai e konsideron edhe si shkelje e kushtetutës mos prezenca e flamurit të Kosovës.
"BE e njeh Serbie si shtet por jo Kosovën dhe kjo në vete tregon se Thaçi ka pranuar të shkojë në dialog pa qenë përfaqësues i një shteti të pavarur por një entitetit që kontestohet nga pala tjetër dhe nuk pranohet nga BE. Kjo është vepra kundër kushtetuese. Vetëm mos prezenca e flamurit gjate dialogut është shkelje e kushtetutës e të mos flasim se Serbia e mban në preambulë të kushtetutës së vet Kosovën. Kjo nuk do të duhej toleruar me asnjë çmim", ka përfunduar Abazi për "Bota sot".
