Gadishulli Ballkanik është një vatër mjaft diskutabile sa i përket mundësisë për luftërave të reja në mes popujve. Shikuar edhe nga aspekti historik, në Ballkan asgjë nuk është befasi, dhe në çdo moment mund të jetë qendër e konflikteve.
Acarimi i kohëve të fundit ndërmjet Serbisë dhe Kosovës ishte krye temë, derisa lufta ishte gjithashtu fjalë, e cila u përmend mjaft shumë nga liderët shqiptarë dhe ata serb. Të gjitha këto, erdhën pas vendosjes së taksës 100 % të produkteve të Serbisë nga ana e Kosovës ndërsa kulmi u arrit kur Kosova votoi kalimin e projektligjeve ku I hapi rrugë vendit që FSK të transformohet në Ushtri të Kosovës
Mirëpo kjo nuk është hera e parë që fjala luftë haset ne gojën e serbëve.
Lufta ishte përmendur edhe Pas arrestimit që iu bë zyrtarit serb, Marko Gjuriq në Mitrovicën Veriore, arrestim ky që erdhi pasi ky i fundit kishte hyrë pa lejen e autoriteteve të Kosovës.
Menjëherë pas këtij veprimi plasuan deklaratat e ndryshme, së pari nga Serbia duke akuzuar e kërcënuar, madje presidenti i Serbisë Aleksander Vuqiq, zhvilloi edhe një bisede telefonike me Rusinë apo siç njihet ndryshe mikun e Serbisë, paraprakisht me presidentin Vladimir Putin.
Mirëpo sa ka gjasa që realisht të fillojë një luftë e re në mes Kosovës dhe Serbisë, flasin njohësit e çështjeve të sigurisë
(Të plotë shkrimin mund ta lexoni nesër në gazetën "Bota sot")