Kosova duhet herët apo vonë ta dëshmojë vetën se është shtet i pavarur dhe se sovraniteti i saj është i pa negociushëm, i pëlqej kjo apo jo dikujt në BE.
Kështu kanë vlerësuar, njohësit e çështjeve politike dhe ata të integrimeve evropiane, sipas të cilëve, Serbia kot mundohet të luaj rrolin e palës së dëmtuar, pasi bota e civilizuar di për çdo gjë që ndodhi në Kosovë.
Me këtë rast, ata kanë komentuar presionet e fundit të shefes së diplomacisë evropiane, Federica Mogherini, duke i cilësuar ato si të kota në krahasim me mbështetjen që po i jepet Kosovës nga SHBA dhe vendet e fuqishme evropiane.
Deputetja e Kuvendit të Kosovës nga radhët e VV-së Drita Millaku ka pohuar se Bashkimi Evropian, nuk do të na kundërvihet nëse sheh vendosmërinë e qeverisë tonë, për të qenë të barabartë në bisedime.
“Ne duhet të mësohemi me faktin se jemi shtet dhe të tillë do të na pranojnë edhe të tjerët e nëse tek ne vërejnë pavendosmëri për ta vlerësuar sovranitetin tonë kjo do të na dëmtojë në të gjitha pikëpamjet” është shprehur deputetja Millaku.