Kompanisë Rajonale të Ujësjellësit “Prishtina”, ka njoftuar se kanë filluar të rriten dukshëm kërkesat për ujë të pijshëm.
KRU “ Prishtina”, thotë se niveli i ujit në liqenin e Batllavës është minus 4.20 metra, nën kuotën maksimale, ndërsa niveli i ujit në liqenin e Badocit minus 5 metra nën kuotën maksimale.
KRU “ Prishtina”, ka dhënë edhe disa këshilla që duhet përmbajtur secili konsumatorë:
- Mos lejoni të rrjedhë ujë kot nga rubineti juaj,
- Mos përdorni ujin e pijshëm për të larë veturat,
- Mos përdorni ujin e pijshëm për ndërtime të shumta në qytet,
- Mos pastroni trotuaret me ujin e pijshëm,
- Mos harroni t’i mbyllni çezmat tuaja, pasi lani dhëmbët,
- Mos vadisni lulet, kopshtet dhe arat,
- Paguani rregullisht ujin që konsumoni,
- Mos lejoni ndërhyrjet pa leje në rrjetin e ujësjellësit,
- Të gjithë jemi përdorues të ujit, prandaj ne jemi edhe përgjegjës për ta shfrytëzuar atë në mënyrë të drejtë.
- Ujin mund ta zëvendësojë vetëm uji, andaj kurseje atë.
Kompania Rajonale e Ujësjellësit ” Prishtina”, thotë se nëse konsumatorët i përmbahen këtyre këshillave, do ta furnizojë me ujë të pijshëm secilin konsumatorë në mënyrë të barabartë dhe pa reduktime, në të kundërtën mund të hasim në vështirësi.