Vërshimet, Komuna e Prishtinës reagon ndaj Ujësjellësit “Prishtina” - Bota Sot
Vërshimet, Komuna e Prishtinës reagon ndaj Ujësjellësit “Prishtina”

Prishtina

Vërshimet, Komuna e Prishtinës reagon ndaj Ujësjellësit “Prishtina”

Më: 10 korrik 2019 Në ora: 17:07
Prishtinë

Komuna e Prishtinës ka hedhur poshtë akuzat e ujësjellësit rajonal “Prishtina” pas vërshimeve të fundit në kryeqytet dhe ujërave fekale, duke thënë se ka bërë një sërë investimesh të dukshme për përmirësimin e gjendjes.

“Deklaratat e KRU “Prishtina” rreth investimeve në sistemin e rrjetit të kanalizimit nuk qëndrojnë fare. Komuna e Prishtinës është duke i realizuar të gjitha projektet e investimeve kapitale për vitin 2019 në shtrirjen e rrjetit të kanalizimit fekal dhe atmosferik nën pjesë të ndryshme të Prishtinës”, thuhet në reagim.

Komuna e Prishtinës kujton se sanimi dhe mirëmbajtja e kanalizimit fekal është kompetencë e KRU “Prishtina” dhe për këto shërbime kjo kompani inkason të hyra çdo muaj nga qytetarët dhe se Komuna nuk jep leje për kyçje në rrjetin e kanalizimit në territorin e Prishtinës pa pëlqimin paraprak nga KRU “Prishtina”. 

Ndryshe, Komuna e Prishtinës njofton se ka pasur shumë projekte për rregullimin e rrugëve në pjesë të ndryshme të kryeqytetit, e të cilat përfshijnë shumën prej disa milion euro, prej tyre një milion euro vetëm në lagjen “Sofalia” dhe 800 mijë euro në Hajvali.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...