Për dy ditë Prishtina bëhet qendër e gastronomisë shqiptare - Bota Sot
Për dy ditë Prishtina bëhet qendër e gastronomisë shqiptare

Prishtina

Për dy ditë Prishtina bëhet qendër e gastronomisë shqiptare

Më: 20 korrik 2019 Në ora: 07:14
Ilustrim

Sot dhe nesër në kryeqytet do të mbahet Prishtina Gastronomy Festival i cili synon promovimin e gastronomisë shqiptare dhe traditat kulturore shqiptare në përgjithësi.

Ky festival vjen si nevojë e promovimit të recetave dhe produkteve mbarëkombëtare shqiptare, si një nga elementet e ruajtjes së identitetit kombëtar.

Në zemër të këtij festivali është një mesazh “Gjyshërit tanë treguan dashurinë e tyre për ne dhe për pjesën tjetër të familjeve tona përmes pjatave që shërbenin në tryezë. Le ta përhapim këtë dashuri nëpër botë!”

Festivali mbahet në sheshin "Adem Jashari". Gjatë dy ditëve do të ketë simpoziume, punëtori, këndi i restoranteve, panairi i tregtisë me produkte ushqimore dhe pije nga shitësit lokalë, lojëra dhe muzikë.

Qëllimi i festivalit është të bëhet një takim vjetor për kuzhinierët, pronarët e restoranteve, bartenderët, historianët, antropologët, dhe të gjithë ata që janë të përfshirë në lëmin e gastronomisë.

Sipas organizatorëve, kjo ngjarje të jetë një pikënisje për bashkëpunimin dhe frymëzimin reciprok, ku do të eksplorojmë të kaluarën tonë dhe do të ndajmë entuziazmin me pjesën tjetër të botës.

Hapja e Prishtina Gastronomy Festival bëhet në ora 12:00.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...