Sot Inspeksioni në Komunën e Prishtinës ka gjobitur bizneset e vogla, ku të njëjtat kishin ekspozuar mallrat para lokaleve.
Të paktën tri lokale janë dënuar me nga 100 euro gjobë.
Drejtori i Inspeksionit në Komunën e Prishtinës Adonis Tahiri, përmes disa postimeve në llogarinë Facebook, ka thënë madje se gjobat do të shkojnë duke u rritur për ata që thyejnë rregullat.
Ndryshe, kjo është pritur mirë nga qytetarët, të cilat kanë komentuar se një gjë e tillë duhet të ndodhë edhe në qytetet e tjera, pasi që bizneset po bllokojnë trotuaret duke ekspozuar mallrat.
Derisa, një apel që mallrat mos të ekspozohen në këto ditë të nxehta është dhënë edhe nga Instituti i Shëndetësisë.