Gjykata Themelore e Prishtinës bëhet me pajisje audio-incizuese - Bota Sot
Gjykata Themelore e Prishtinës bëhet me pajisje audio-incizuese

Prishtina

Gjykata Themelore e Prishtinës bëhet me pajisje audio-incizuese

Më: 3 shtator 2019 Në ora: 13:28
Foto

Programi i Kombeve të Bashkuara për Zhvillim (UNDP) në Kosovë, përmes projektit Mbështetje Përpjekjeve Antikorrupsion (SAEK II), ka dhuruar audio- pajisje për incizim Departamentit Special kundër Korrupsionit dhe Krimit në kuadër të Gjykatës Themelore në Prishtinë, në një ceremoni rasti që u mbajt sot.

Valbona Bogujevci, asistent-përfaqësuese e përhershme dhe koordinatore e Programit tha se pajisjet për incizime do të ndihmojnë transparencën e seancave gjyqësore, efikasitetin në punë si dhe do të mundësojnë akoma më shumë qasjen në drejtësi.

Ndërsa, Arben Hoti, nënkryetar i Gjykatës Themelore të Prishtinës tha se audio pajisjet për incizim janë domosdoshmëri për efikasitetin e seancave gjyqësore.

Donacioni është pjesë e aktiviteteve për të mbështetur sistemin e drejtësisë në Kosovë për përmirësimin e transparencës së seancave gjyqësore, qasjes në drejtësi dhe efikasitetit të sistemit në përgjithësi, duke mundësuar reduktimin e dukshëm të kohëzgjatjes së gjykimeve.

Donacioni është bërë falë mbështetjes financiare të Zyrës Zvicerane për Bashkëpunim (SDC) në Kosovë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...