Nesër fillon faza e dytë e lehtësimit të masave, Komuna e Prishtinës ka një apel për qytetarët - Bota Sot
Nesër fillon faza e dytë e lehtësimit të masave, Komuna e Prishtinës ka një apel për qytetarët

Prishtina

Nesër fillon faza e dytë e lehtësimit të masave, Komuna e Prishtinës ka një apel për qytetarët

Më: 17 maj 2020 Në ora: 15:34
Në fazën e dytë qytetarët do të mund të lëvizin katër orë në ditë, një më shumë se në fazën e kaluar.

Komuna e Prishtinës, një ditë para fillimit të fazës së dytë të masave lehtësuese kundër COVID-19, u ka bërë thirrje qytetarëve që të vazhdojnë me respektimin e udhëzimeve të institucioneve shëndetësore.

Faza e dytë e lehtësimeve të lëvizjes dhe hapjes graduale po fillon nga nesër. Por kjo nuk do të thotë lehtësim i masave mbrojtëse, sepse pandemia COVID-19 nuk ka përfunduar ende. Andaj, të vazhdojmë të jemi të kujdesshëm në zbatimin e të gjitha udhëzimeve të IKSHP-së lidhur me koronavirus, thuhet në njoftim.

Në fazën e dytë qytetarët do të mund të lëvizin katër orë në ditë, një më shumë se në fazën e kaluar.

Gjatë kësaj periudhe do të nisë edhe transporti urban dhe ndër-urban, transporti hekurudhor, si dhe do të bëhet hapja e gastronomisë (merr me vete porosinë), galeritë, muzetë, qendrat e thirrjeve telefonike, fizioterapeutët, floktarët, sallonet e ondulimit dhe stomatologët.

Kosova ka 978 raste me koronavirus, prej tyre 713 të shëruar dhe 29 raste me përfundim fatal.

Shfaq komentet
comments powered by Disqus
Sot mund të lexoni Shfletoni kopertinat