Drejtori i Shëndetësisë në Komunën e Prishtinës, Bujar Gashi, tha se rreth 50 persona janë duke pritur rezultatet e testit për koronavirus.
Gashi ka konfirmuar se këta 50 persona janë të gjitha raste kontakti.
“Po, rreth 50 personave u janë marrë mostrat për testim në Komunën e Prishtinës, të gjitha rastet që merren nga ne janë raste kontakti”, tha Gashi.
Ndërkaq, në Komunën e Prishtinës ka një javë që tashmë janë rritur rastet e të infektuarve me COVID-19 dhe aktualisht janë edhe 94 raste aktive me COVID-19.
Vetëm dje, IKSHPK ka konfirmuar edhe 5 raste të reja nga Prishtina, të gjitha raste kontakti.
