Dyshohet se dikush po helmon qëllimshëm qentë në Prishtinë - Bota Sot
Dyshohet se dikush po helmon qëllimshëm qentë në Prishtinë

Prishtina

Dyshohet se dikush po helmon qëllimshëm qentë në Prishtinë

Më: 6 gusht 2020 Në ora: 13:21
Qeni

Tash e disa ditë qentë endacakë në parkun e qytetit në Prishtinë po gjenden të ngordhur. Fondacioni për të Drejtat e Kafshëve, dyshon se dikush po i helmon qentë, duke iu hedhur mish të helmuar.

“Tash e disa ditë me radhë, aktivistët për mirëqenien e kafshëve në Prishtinë kanë ngritur shqetësimet për helmim të qëllimshëm të qenve në parkun e qytetit. Abuzimi dhe vrasja e qenve është veprim i dënueshëm me gjobë dhe burg sipas Kodit Penal të Republikës së Kosovës. Këto veprime, përveç që janë mizore dhe kriminale, nuk e zgjidhin problemin me numrin e madh të qenve endacakë në Kosovë”, thuhet në reagimin e kësaj shoqate.

Ndërkohë, edhe sot gjatë ditës, Komuna e Prishtinës është informuar për një qen tjetër të ngordhur.

“Qendra 112 na njofton se te parku i qytetit në rrugën ‘Hamzë Jashari’ është një qen i ngordhur afër kafenesë RONI, policia ka dalë në vendin e ngjarjes”, thuhet në njoftim.

Shfaq komentet
comments powered by Disqus
Sot mund të lexoni Shfletoni kopertinat