Një ngjarje jo e zakontë ka ndodhur pasditen e sotme në Prishtinë. Një qytetar ka gjetur 200 euro në Lagjen e Muhaxherëve në Prishtinë dhe të njëjtat i ka dorëzuar në stacionin policor Qendra në Prishtinë.
Policia në njoftimin e saj përveç që ka falënderuar qytetarin për bashkëpunim, ka ftuar pronarin e këtyre të hollave të lajmërohet në Stacionin Policor Qendra në Prishtinë, që të kryej procedurat e nevojshme rreth pranimit të parave të humbura.
Njoftimi:
“Sot rreth orës 17:00 një qytetar i ka dorëzuar një shumë parash (mbi 200 euro) në stacionin policor Qendra në Prishtinë. Pala ka deklaruar se paratë e humbura i kishte gjetur në rrugë, në Lagjen e Muhaxherëve në Prishtinë.
Duke falënderuar qytetarin për bashkëpunimin, ftojmë pronarin e këtyre të hollave të lajmërohet në Stacionin Policor Qendra në Prishtinë, që të kryej procedurat e nevojshme rreth pranimit të parave të humbura”.
