Zhdukja e 80-vjeçarit në kryeqytet, familjarët ofrojnë shpërblim për atë që e gjen

Prishtina

Zhdukja e 80-vjeçarit në kryeqytet, familjarët ofrojnë shpërblim për atë që e gjen

Më: 17 shtator 2020 Në ora: 14:13
Enver Bekolli

Janë bërë më shumë se dy javë që nga dita kur është zhdukur Enver Bekolli nga Prishtina. Familjarët e 80-vjeçarit janë duke e kërkuar që prej asaj dite, por nuk kanë arritur t’i bien në gjurmë.

Së fundmi, familja ka njoftuar se do të ndajë edhe një shpërblim prej 5 mijë euro për atë që japin informacion për vendndodhjen e familjarit të tyre.

Lajmin për këtë e ka bërë të ditur Ridvan Tahiri, i cili është një prej vullnetarëve të angazhuar për gjetjen e të moshuarit.

“Kanë kaluar shumë ditë që nga humbja e z. Enver Berkollit dhe ende nuk kemi ndonjë lajm se ku mund të jetë. Familja Berkolli do të shpërblej me 5.000€ (pesë mijë euro) ata të cilët do ta japin info për vendndodhjen e z. Enver Berkollin”.

Ndërkohë, në rrjete sociale janë publikuar edhe fotografi të të moshuarit dhe janë dhënë informacione se çka kishte pasur të veshur ditën që ishte larguar nga shtëpia.

 “I moshuari kishte veshë këmishë të gjelbër, pantallona të zi dhe kapelë të zëzë si në foto”, thuhet në njoftim.

Kushdo që ka ndonjë informacion rreth të moshuarit mund t’i lajmërojë familjarët në këta numra: 044-649-172 dhe 044-407-943.

 

Shfaq komentet
comments powered by Disqus
Sot mund të lexoni Shfletoni kopertinat