Prishtina në karantinë një javë? Pacolli: Kryqendra të trajtohet më ndryshe, masat të mos jenë aq rigoroze

Prishtina

Prishtina në karantinë një javë? Pacolli: Kryqendra të trajtohet më ndryshe, masat të mos jenë aq rigoroze

Më: 10 nëntor 2020 Në ora: 00:45
Selim Pacolli

Nesër mund të dështojë miratimi i masave të reja anti-COVID.

Burime brenda qeverisë së Kosovën bëjnë të ditur se disa nga ministrat e kabinetit qeveritar janë kundër këtyre masave.

Nënkryetari i komunës së Prishtinës, Selim Pacolli, ka theksuar që do të respektohet edhe nëse merret një vendim i tillë. Megjithatë sipas tij, Prishtina duhet të trajtohet pak më ndryshe nga komunat e tjera, pasi nuk është komunë e vogël.

“Edhe gjatë vikendit, ne jemi marrë me rritjen enorme të rasteve me COVID-19 në vend. Prishtina, është kategorizuar si qendër me rritjen më të madhe të rasteve të tilla dhe kemi qenë thuajse të karantinuar”, është shprehur Pacolli.

“Me këtë rast, edhe sot ka vazhduar një konsultim bashkë me Qeverinë, me dikasteret e saj dhe me IKSHPK-në. Por ne si komunë e Prishtinës, nuk jemi dakord dhe nuk mund të pranojmë që Prishtina të trajtohet njëjtë me komunat e vogla. Po flasim për numrin e të infektuarve”.

“Ne i bëjmë dikun rreth 12 mijë teste në komunë për COVID-19 dhe momentalisht, sa unë kam informata sot kemi pasë rreth 8466 raste aktive. Ne kemi shprehur rezervën si komunë, pra që nuk do të duhej të trajtohej kryeqendra e Kosovës me të njëjtin tretman me komunat e vogla, të cilat si rasti i Fushë Kosovës që  është në zonën e gjelbërt, kur pjesa dërrmuese frekuentojnë Prishtinën”.

commentFirst article
Sot mund të lexoni Shfletoni kopertinat