Migjen Shala, nga Instituti Hidrometeorologjik i Kosovës ka folur për ndikimin e faktorëvë në cilësinë e ajrit.
Shala në një intervistë në Edicionin Special tha stina e dimrit ndikon në cilësinë e ajrit.
“Janë dy faktorë që ndikojnë në cilësinë e ajrit. Janë faktori njeri në periudhen e dimrit dhe kushtet klimatike janë të pafavorshëm për ajrin. Dhe këta dy faktorë sa herë që vjen puna e dimrit e vështirësojnë gjendjen me cilësi të ajrit”.
Ai shtoi se nëse institucionet iu përmbahen standardeve, cilësia e ajrit do të përmirësohet.
“Ministria e Ambientit po i kryen obligimet e veta, konkretisht Instituti bashkë me Agjencinë për Mbrojtjen e Mjedisit, ku po bën monitorimin e cilësisë së ajrit përmes termostacioneve të cilët janë edhe në kohë reale ku mund ti qaset informacioneve secili qytetar që do. Ne si ministri i kemi obliguar secilin institucion që ti plotësoj standardet. Në këtë rast që psh. Ministria e Tregtisë që të kontrolloj cilësinë e derivateve, Ministria e Transporteve të kontrolloj shkarkimin e gazrave si dhe termocentralet ti respektojnë standardet me shkarkime”.
Shala ndër të tjera tha se mbyllja e ka përmirësuar cilësinë e ajrit për 50 për qind.
“Nëse secili institucion i kryen obligimet e veta, do të ndryshojë edhe cilësia e ajrit. Gjatë mbylljes kemi pasur për 50 përqind përmirësim të gjendjes dhe cilësisë së ajrit. Nëse do të ndodhte edhe një mbyllje do të kishim një përmirësim të cilësisë së ajrit”.