Komuna e Prishtinës nga sot pranon dokumentet për bizneset që kanë fituar grantet

Prishtina

Komuna e Prishtinës nga sot pranon dokumentet për bizneset që kanë fituar grantet

Më: 22 dhjetor 2020 Në ora: 10:08
Komuna e Prishtinës

Kryetari i Prishtinës, Shpend Ahmeti, ka njoftuar se sot do të nisin me pranimin e dokumenteve për përfundimin ne procedurës së fundit për bizneset që kanë fituar grante.

Ai ka shkruar në Facebook se dokumentet pranohen nga ora 9:00.

Sipas një njoftimi bërë të hënën nga Komuna e Prishtinës të gjitha bizneset përfituese të grantit për bizneset e prekura nga #covid19 e kanë obligative të i dorëzojnë të fotokopjuara qartë e të e plotësojnë dokumentacionin duke dorëzuar:

– Leternjoftimin valid, kopje në të dy anët
– Konfirmimin e llogarisë bankare në emër të biznesit
– Certifikatën e re të biznesit (që ka numrin unik identifikues ku fillon me nr81 dhe është 9 shifror)

Dokumentacioni do të dorëzohet në sportelet në katin përdhesë të ndërtesës së vjetër të Komunës.

Shfaq komentet
comments powered by Disqus
Sot mund të lexoni Shfletoni kopertinat