Komuna e Prishtinës ndan 70 mijë euro për furnizim të bibliotekave me libra të rinj

Prishtina

Komuna e Prishtinës ndan 70 mijë euro për furnizim të bibliotekave me libra të rinj

Më: 5 mars 2021 Në ora: 21:23
Komuna e Prishtinës

Komuna e Prishtinës ka ndarë 70 mijë euro për furnizim të bibliotekave me libra për këtë vit.

Drejtori i Kulturës në Komunën e Prishtinës, Adrian Berisha tha në emisionin “038” se do të furnizohet me libra biblioteka “Hivzi Sylejmani” dhe se për këtë furnizim pritet të bëhet një thirrje publike për qytetarët në mënyrë që të marrin sugjerime nga ata se për çfarë libra ka nevojë biblioteka.

“Do të bëjmë furnizimin me libra, këtë vit kemi ndarë një shumë prej 70 mijë euro, do të furnizojmë me libra bibliotekën “Hivzi Sylejmani”, ku kësaj radhe do të jemi edhe më transparentë dhe do të bëjmë një thirrje publike për qytetarët që të na sugjerojnë se çfarë libra të blejmë për këtë bibliotekë, në mënyre që qytetarët, studentët, fëmijët t’i gjejnë ato në këtë bibliotekë.”, ka thënë Berisha.

Ai ka thënë po ashtu se janë nënshkruar edhe disa kontrata që pritet të zbatohen gjatë këtij viti siç janë: qendra multifunksionale me fokus në Bibliotekë në Kodrën e Trimave, ndërtimi i InfoPoint tek sheshi Zahir Pajaziti ku është e vendosur Ministria e Zhvillimit Ekonomik, kontrata për art në hapësirë publike dhe renovimi i hapësirave të institucioneve vartëse.

Ndërkohë, sa i përket aktiviteteve kulturore për 1 Qershorin, Ditën Ndërkombëtare të Fëmijëve, Berisha ka thënë se ndonëse kanë disa projekte, ende nuk dihet se çka do të ndodhë deri atëherë për shkak të situatës me pandeminë.

Sot mund të lexoni Shfletoni kopertinat